VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20120808

Micato Rekusa Kargu MS no Isabel Nafatin

Salva maun Alin Lay no Pires iha lista V Governu Konstitusional

Dili, Forum Haksesuk (FH). V Governu Konstitusional toma pose ona, iha deit mak alterasaun ida, hanesan Forum Haksesuk  (FH)  adianta ona katak, alterasaun iha Ministra Defesa no Seguransa Nacional (MDSN) ne’ebe proposta husi PM indijitadu fo fiar ba Maria Domingas Fernandes Alves (MDFA). 

Tuir informasaun ne’ebe mak FH hetan asesu katak, ”Prezidente Republika kestiona ba postu ida ne’e tamba hare ba abilidade ema ne’ebe mak sei kaer kargu ne’e”. Iha tersa-feira (07/08/2012), ”Presidente Republika bolu tan PM hodi ba koalia konaba asuntu ne’e, hodi buka troka kedan ho Cirilio Cristovao, atual Diretor SNI nudar MDSN (FH, 07/08/2012).

Tuir fonte ne’ebe mak FH hetan husi parte Sra. Maria Domingas Fernandes Alves ka Micato katak, ”Sra. Micato sente ofendido quando Presidente Republika kestiona konaba abilidade”. Haktuir tan, ”iha IV Governu Konstitusional Sra. Micato mak rosto ba sucesu Governu hodi resolve problemas sira ne’ebe mosu iha 2006, hanesan IDP’s no Peticionarios sira nian”. Problemas veteranos no katuas ferik sira nian, resolve no Timor-Leste konsegue hetan paz social no estabilidade tamba dedidikasaun Micato no ninia equipa”, haktuir fonte ne’e, no hatutan dehan, ”Sra. Micato la simu quando Presidente Republika kestiona konaba abilidade tamba iha abilidade mak konsegue resolves kausa ka sebab husi krise 2006 nian”. 

“Maske iha tentative husi PM indijitadu Kay Rala Xanana Gusmao, atu manten Micato iha lista membrus V Governu Konstitusional, maibe Sra. Micato kontinua konsisten hodi la partisipa iha elenku Governu foun tamba lakohi sai nudar bola tebe tun sae, tamba problema dignidade nudar emar moris no mos ativista ne’ebe envolve ativa iha procesu luta ba ukun rasik an”, haktuir tan fonte ne’e. 

Sr. Francisco Kalbuady Lay pronto resigna husi nia kargu nudar Ministeriu Turismu e kultura hodi fó fali fatin ba Sra. Isabel Guterres no fatin Ministerio Solidariedade ba fali Micato, maibe Sra. Micato kontinua konsisten hodi la hola parte iha V Governu Konstitusional.

Ho novela ikus ne’e molok hahu tomada de posse V Governu Konstitusional, sakrifika maka Sra. Maria Domingas Fernandes Alves husi Ministerio Defesa e Segruanca Nacional (MDSN) no evita resigna husi Sra. Isabel Guterres hodi salva maun alin Pires no Lay kontinua kaer knar iha V Governu Konstitusional!

FH

Sem comentários:

Enviar um comentário

Nota: só um membro deste blogue pode publicar um comentário.